Presidenti i SHBA-së Joe Biden tha sot se ai nuk mendon se kryeministri izraelit Benjamin Netanyahu po bën mjaftueshëm për të siguruar një marrëveshje pengjesh me Hamasin, raporton Anadolu.
Komentet e tij erdhën si përgjigje ndaj një gazetari gjatë mbërritjes së tij në Shtëpinë e Bardhë.
Presidenti amerikan tha gjithashtu se ai beson se një marrëveshje përfundimtare për lirimin e pengjeve të mbajtur nga grupi palestinez është “shumë afër”.
Më herët, Washington Post raportoi se SHBA-ja po planifikon t’u paraqesë palëve marrëveshje armëpushimi në formën “prano ose refuzo” në javët e ardhshme.
Një zyrtar i lartë i administratës, i cili ka folur për Washington Post në kushte anonimiteti, ka thënë se nëse të dy palët nuk e pranojnë marrëveshjen, kjo mund të shënojë fundin e negociatave të udhëhequra nga Amerika.
Komentet e Bidenit erdhën gjithashtu dy ditë pas gjetjes së trupave të gjashtë pengjeve në Gaza, gjë që nxiti protesta kundër qeverisë së Netanyahut këtë fundjavë.
Izraeli vlerëson se më shumë se 100 pengje mbahen ende nga grupi palestinez Hamas në Gaza, disa prej të cilëve besohet se janë vrarë tashmë.
Për muaj të tërë, SHBA-ja, Katari dhe Egjipti janë përpjekur të arrijnë një marrëveshje midis Izraelit dhe Hamasit për të siguruar një shkëmbim të të burgosurve dhe një armëpushim dhe për të lejuar hyrjen e ndihmave humanitare në Gaza. Por përpjekjet e ndërmjetësimit kanë ngecur për shkak të refuzimit të Netanyahut për të përmbushur kërkesat e Hamasit për të ndaluar luftën.
Lufta aktuale e Izraelit në Rripin e Gazës ka vrarë më shumë se 40.700 palestinezë, kryesisht gra dhe fëmijë, dhe ka plagosur mbi 94.100 të tjerë, sipas autoriteteve lokale shëndetësore.
Bllokada e vazhdueshme e enklavës ka çuar në mungesa të mëdha të ushqimit, ujit të pastër dhe ilaçeve, ndërsa sulmet izraelite kanë lënë pjesën më të madhe të rajonit në gërmadha.
Izraeli përballet me akuza për gjenocid për veprimet e tij në Gaza në Gjykatën Ndërkombëtare të Drejtësisë
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
