Një bashkëshort, që dyshohet se drogoi gruan e tij dhe ftoi më shumë se 80 të panjohur për ta përdhunuar në shtëpinë e tyre për gati një dekadë, doli në gjyq të hënën, në një çështje që ka tronditur Francën.
Pesëdhjetë burra të akuzuar se kanë marrë pjesë në abuzimin e gruas, janë gjithashtu në gjyq në gjykatën në Avignon.
Policia thotë se Dominique P. ka grimcuar tabletat e gjumit dhe ilaçet kundër ankthit dhe i ka përzier në vaktin e mbrëmjes së gruas së tij ose në verën e saj në shtëpinë e tyre në Mazan, pranë Carpentras në Provence. Babai i tre fëmijëve, rekrutoi meshkujt e tjerë për ta përdhunuar dhe abuzuar seksualisht me bashkëshorten e tij nga një dhomë bisede në internet, ku anëtarët fantazonin për kryerjen e akteve seksuale ndaj partnerëve që nuk pranonin.
Burrat u udhëzuan të shmangnin nuhatjen e çdo lloj arome apo tymi cigareje për të shmangur alarmimin e gruas së tij dhe të largoheshin nëse ajo lëvizte aq shumë sa një krah, thanë hetuesit.
Ai u arrestua më 2 nëntor 2020, pasi një roje sigurie e kapi atë duke filmuar fundet e grave në supermarketin lokal. Policia gjeti një skedar të etiketuar "abuzime", në një USB të lidhur me kompjuterin e tij që përmbante 20,000 imazhe dhe filma të gruas së tij, duke u përdhunuar pothuajse 100 herë.
Që nga arrestimi i tij ai “gjithmonë e ka deklaruar veten fajtor”, ka thënë avokati i tij, duke shtuar se ai kishte thënë: “E vura në gjumë, i ofrova dhe e filmova”.
Të dhënat shëndetësore thuhet se ai ka marrë 450 pilula gjumi, vetëm brenda një viti.
50 burrat në gjyq me të përfshijnë një këshilltar lokal, infermierë, një gazetar, një ish-oficer policie, një roje burgu, ushtar, zjarrfikës dhe nëpunës civil, shumë prej të cilëve jetonin rreth Mazanit, një qytet me rreth 6,000 banorë. Burrat ishin të moshës nga 26 deri në 73 vjeç në kohën e arrestimit të tyre.
Disa nga të akuzuarit i kanë mohuar akuzat, duke i thënë policisë se nuk e kishin idenë se gruaja, me të cilën Dominique P. u martua më 1973, nuk ishte një partnere e gatshme dhe e akuzuan atë se i mashtronte. Detektivët nuk ishin në gjendje të identifikonin dhe gjurmonin më shumë se 30 burra të tjerë që u regjistruan.
Hetuesit thanë se gruaja u shkatërrua kur mësoi për abuzimin, duke thënë se nuk mbante mend të ishte përdhunuar. Ajo ishte droguar “pothuajse në gjendje kome”, shtuan hetuesit.
“Një mëngjes ajo u zgjua në panik me një prerje flokësh të re, pa e kuptuar se si ishte e mundur kjo. Ajo shkoi te parukierja e saj, e cila i tha se kishte qenë një ditë më parë, "tha avokati i saj, Stéphane Babonneau.
Babonneau tha se klientja e tij, tani e divorcuar, besonte se kishte një sëmundje që askush nuk mund ta shpjegonte dhe u konsultua me disa mjekë, gjithmonë të shoqëruar nga burri i saj, i cili fajësoi simptomat e saj për lodhjen, pasi kujdesej për nipërit e mbesat e tyre. Tre fëmijët e saj dhe të afërmit e tjerë, dyshonin se ajo kishte sëmundjen e Alzheimerit.
Dominique P është akuzuar gjithashtu për përdhunimin dhe vrasjen e një agjente pronash 23-vjeçare në Paris në vitin 1991. Sophie Narme u drogua, u përdhunua dhe u godit me thikë në gjoks. Një tjetër agjent imobiliar, 19 vjeç, u sulmua në rrethana të ngjashme, por u arratis pasi u kundërpërgjigj. Policia ka thënë se ADN-ja e nxjerrë nga gjaku në vendngjarje përputhej me profilin e tij.
Gjyqi në Avignon pritet të zgjasë katër muaj. Dominique P, 71 vjeç dhe 50 të pandehurit e tjerë përballen me 20 vjet burg, nëse dënohen për përdhunim të rëndë./ The Guardian.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
