Presidenti francez Emmanuel Macron do të konsultohet sot me paraardhësit e tij, François Hollande dhe Nicolas Sarkozy, në një përpjekje për të thyer bllokimin politik të vendit, sipas raporteve të medias.
”Macron gjithashtu planifikon të takohet me ish-kryeministrin socialist, Bernard Cazeneuve”, thanë ”France Info” dhe BFMTV, duke cituar burime të afërta me ish-udhëheqësit.Cazeneuve drejtoi qeverinë nën Hollande nga dhjetori 2016 deri në maj 2017 dhe mund të jetë sërish një kandidat për postin, kanë spekuluar mediet.
Një muaj e gjysmë pas zgjedhjeve të parakohshme parlamentare në Francë, Macron ende nuk ka emëruar një kryeministër të ri. Nuk ka asnjë perspektivë për një shumicë të qëndrueshme qeveritare midis partive.
Zgjedhjet sollën një fitore të papritur për aleancën e krahut të majtë ”Nouveau Front Populaire”, përpara forcave centriste të Macron dhe forcave të ekstremit të djathtë rreth Marine Le Pen, e cila ishte parashikuar të fitonte.
Asnjë nga kampet nuk siguroi një shumicë absolute. Aleanca e majtë e bëri të qartë pretendimin e saj ndaj qeverisë në disa raste.
Megjithatë, Macron përjashtoi një qeveri të pastër të aleancës me arsyetimin se ajo do të rrëzohej menjëherë me një votë mosbesimi.
Trump nuk u ndahet polemikave: Kryeministri kanadez mund të jetë djali i Fidel Kastros!
Pavarësisht disa raundeve konsultimesh midis Macron dhe palëve, mbetet e paqartë se si mund të formohet një qeveri e qëndrueshme në Francë.Koalicionet janë të pazakonta në vend, gjë që e bën të vështirë formimin e qeverisë.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
