Rusia do të bëjë ndryshime në doktrinën e saj për përdorimin e armëve bërthamore në përgjigje të asaj që ajo e konsideron si përshkallëzim perëndimor në luftën në Ukrainë.
Kështu është shprehur për mediat ruse zëvendësministri i Jashtëm, Sergei Ryabkov. Doktrina ekzistuese bërthamore, e përcaktuar në një dekret nga Presidenti Vladimir Putin në vitin 2020, thotë se Rusia mund të përdorë armë bërthamore në rast të një sulmi bërthamor nga një armik ose një sulmi konvencional që kërcënon ekzistencën e shtetit.
“Puna është në një fazë të avancuar dhe ka një qëllim të qartë për të bërë korrigjime”, thekson Ryabkov, siç citon agjencia shtetërore e lajmeve TASS. Ai tha se vendimi është “i lidhur me kursin e përshkallëzimit të kundërshtarëve tanë perëndimorë” në lidhje me konfliktin në Ukrainë.
Putin tha në qershor se doktrina bërthamore ishte një “instrument i gjallë” që mund të ndryshonte në varësi të ngjarjeve botërore. Komentet e Ryabkov të dielën ishin deklarata më e qartë se ndryshimet do të bëheshin vërtet.
Moska akuzon Perëndimin se përdor Ukrainën si një përfaqësues për të zhvilluar luftë kundër saj, me qëllimin për t'i shkaktuar një “disfatë strategjike” Rusisë dhe për ta copëtuar atë. Shtetet e Bashkuara dhe aleatët e tyre e mohojnë këtë, duke thënë se po ndihmojnë Ukrainën të mbrohet kundër një lufte të stilit kolonial nga Rusia.
Ryabkov nuk tha se kur do të ishte gati doktrina e përditësuar bërthamore: “Koha për përfundimin e kësaj pune është një pyetje mjaft e vështirë, duke qenë se po flasim për aspektet më të rëndësishme të garantimit të sigurisë sonë kombëtare”.
Rusia ka më shumë armë bërthamore se çdo vend tjetër. Putin tha në mars se Moska ishte e gatshme për eventualitetin e një lufte bërthamore “nga pikëpamja ushtarako-teknike”. Ai tha, megjithatë, se nuk shihte nxitim drejt konfrontimit bërthamor dhe se Rusia nuk ishte përballur kurrë me nevojën për të përdorur armë bërthamore në Ukrainë.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
