Kremlini iu përgjigj sot deklaratave të Volodymyr Zelensky për “planin e paqes” që ai synon t’i paraqesë Joe Biden Dmitri Peskov theksoi se Rusia nuk heziton dhe normalisht do të vazhdojë operacionet ushtarake në Ukrainë derisa të arrijë qëllimet e saj.
“Nuk është hera e parë që dëgjojmë deklarata të tilla nga përfaqësues të regjimit të Kievit, ne e dimë thelbin e këtij regjimi, ne vazhdojmë operacionin ushtarak special dhe do t’i arrijmë të gjitha qëllimet tona,” tha Peskov, duke iu përgjigjur një pyetjeje në lidhje me deklaratën e Zelensky.
Ndërkohë sot do të mbahet një takim i Këshillit NATO-Ukrainë, me kërkesë të Kievit, pas sulmeve masive ruse, në qytetet dhe infrastrukturën e Ukrainës.
Ministri ukrainas i Mbrojtjes, Rustem Umerov, do t’i informojë aleatët mbi situatën në fushën e betejës, tha një zëdhënës i NATO-s.
Mbrojtja ajrore, për të cilën Ukraina ka shumë nevojë, do të jetë një nga temat e këtij takimi, sipas burimeve diplomatike.
Presidenti ukrainas Volodymyr Zelensky ka kërkuar ndihmë nga forcat ajrore të fqinjëve të tij europianë për të shkatërruar valët e raketave dhe dronëve rusë që goditën masivisht vendin e tij në fillim të kësaj jave.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
