Vendosja e rraketave me rreze të gjatë veprimi nga ShBA-ja në Gjermani, ka sjellë edhe kërcënimin e Rusisë.
Zëvendësministri i Jashtëm rus Sergej Ryabkov, u tha gazetarëse se 'Moska nuk e përjashton vendosjen e raketave bërthamore në përgjigje të vendosjes së raketave amerikane me rreze të gjatë veprimi në Gjermani'.
“Unë nuk përjashtoj asgjë,” tha ai, kur u pyet nëse Rusia mund të vendosë raketa bërthamore në përgjigje të vendosjes së raketave amerikane në Gjermani.
“Nëse zyrtarët nga qeveria federale gjermane besojnë se është e arsyeshme të kryejnë aktivitete nxitëse, duke përmendur atë që kemi në rajon, atëherë ne do të përgjigjemi me masa hakmarrëse që i konsiderojmë të përshtatshme”, theksoi diplomati i lartë.
Sipas Ryabkov, duke pasur parasysh kapacitetet e kombinuara të vendeve të NATO-s, Rusia duhet të kalibrojë përgjigjen e saj, pa ndjerë ndonjë “kufizim të brendshëm” në lidhje me atë se çfarë të vendosë, ku dhe kur. “Thënë kjo, ka një gamë të gjerë opsionesh. Nuk ka të bëjë me kërcënimin e askujt, është një mënyrë për të gjetur metodën më efektive për t’iu përgjigjur sfidave në ndryshim, veçanërisht për sa i përket kostove,” shtoi ai.
© SYRI.net
Kryeministri britanik vizitë në Dublin, në fokus përpjekjet për të forcuar marrëdhëniet mes dy vendeve
'Njëri kërkon ashpërsimin e ligjeve, tjetri premton heqjen e kufizimeve', VOA: Harris dhe Trump me qasje të ndryshme mbi shitjet e armëve
Erdogani bën thirrje për aleancë islamike kundër Izraelit
Denonco
Merrni lajmet më të fundit nga SYRI.net në çdo moment dhe kudo që të jeni!
