Kabineti i ri laburist i Keir Starmer në Britaninë e Madhe u mblodh një ditë pasi fitores dërrmuese në zgjedhjet parlamentare, fitore që i dha fund 14 viteve të qeverisë konservatore.
Midis ekipit të lartë të Starmer janë ministrja e parë femër e financave në Britani, Rachel Reeves, Angela Rayner si zëvendëskryeministre dhe David Lammy për Punët e Jashtme. Starmer iu ka premtuar votuesve se do të sjellë ndryshime dhe do të sigurojë stabilitet politik pas një qeverisjeje konservatore që ka parë pesë kryeministra dhe një qarkullim edhe më të madh të ministrave të tjerë kryesorë, përfshirë 10 sekretarët e arsimit.
Pasi te gjithë hynë përmes derës së famshme që mban numrin 10 në Downing Street, në tryezën e madhe te mbledhjes ndihet edhe atmosfera entuziaste e nje fillimi te ri për Laburistet dhe Britaninë e Madhe.
''Shihni kolegë. Është absolutisht fantastike t’ju mirëpres në kabinet, në takimin tonë të parë. Dhe ishte nderi dhe privilegji i jetës sime të ftohesha nga Madhëria e tij Mbreti e të formoja një qeveri, qeverinë laburiste të 2024-ës. Dhe tani ne po mbajmë mbledhjen tonë të parë të kabinetit, ndaj ju uroj mirëseadhjen. Kemi një mal me punë për të bërë kështu që le t’i hyjmë së bashku asaj''.
Ky ishte mesazhi i parë publik nga mbledhja e qeverisë së Keir Starmer dhe me pas dyert u mbyllën. Skuadra e kryeministrit laburist u prit gjerësisht për emrat e ministrave në raport me politikat e shpallura teksa shërbenin në opozitë.
© SYRI.net
Presidenti Biden përcjell mesazhin e bashkimit pas atentatit ndaj ish-Presidentit Trump
‘Amerika të bashkohet!’/ Ish-presidenti Donald Trump ndan mesazhin e tretë brenda 24 orëve 
Atentati ndaj Trump/ Biden: S’përfaqëson SHBA, e papranueshme për demokracinë amerikane
Denonco
Merrni lajmet më të fundit nga SYRI.net në çdo moment dhe kudo që të jeni!
