Rreth 43 migrantë u mbytën në brigjet e Tunizisë të shtunën dhe 84 të tjerë u shpëtuan pasi anija e tyre u përmbys brenda natës tha “Tunisian Red Crescent”.
Mongi Slim, kreu i organizatës, i tha Associated Press se anija, e cila mbante 127 migrantë, u largua nga qyteti bregdetar i Libisë, Zuëara, të premten për të kaluar Detin Mesdhe drejt Italisë. Ai tha se 46 sudanezë, 16 eritreanë dhe 12 bengalë ishin midis migrantëve.
Zëdhënësi i Ministrisë së Mbrojtjes, Mohamed Zekri, tha se 84 migrantët u shpëtuan nga peshkatarët. Ai nuk pranoi të konfirmonte mbytjen e migrantëve të tjerë.
Libia është një pikë e shpeshtë nisjeje për migrantët që bëjnë kalimin e rrezikshëm të Detit Mesdhe. Disa mbytje anijesh nga anijet e kontrabandistëve që mbanin migrantë kanë ndodhur javët e fundit, ndërsa përpjekjet për të arritur në Evropë bëhen më të shpeshta mes motit më të ngrohtë të verës.
Kreu i “Tunisian Red Crescent”, ndërkohë, nisi një thirrje urgjente në lidhje me fatin e qindra migrantëve që i shpëtuan vdekjes pasi organizata e tij nuk ka asnjë mënyrë për të siguruar strehim.
© SYRI.net
Lindje e Mesme/ Izraeli shpall gjendjen e jashtëzakonshme deri më 30 shtator
Presidenti i Iranit paralajmëron për pasoja 'të pakthyeshme' të luftës më të gjerë rajonale
SHBA, FBI: Krimet e dhunshme bien për të dytin vit radhazi
Denonco
Merrni lajmet më të fundit nga SYRI.net në çdo moment dhe kudo që të jeni!
