Numri i viktimave në ndërtesën e shembur afër Miami, Florida, u rrit në 11, ndërsa një trup tjetër u nxor nga rrënojat dhe operacioni i shpëtimit vazhdon, njoftoi Zëri i Amerikës. Autoritetet lokale thanë se 151 njerëz janë ende të zhdukur.
Shpëtuesit kanë kërkuar në rrënojat e një ndërtese në qytetin Surfside për pesë ditë, pavarësisht motit të keq dhe zjarreve të vogla.
Ka gjashtë deri në tetë skuadra në fushë që kërkojnë shenja jete.
Shkaku i shembjes së ndërtesës është ende i panjohur.
Qyteti i Surfside ka publikuar dokumente nga 2018, në të cilat vlerësohet se do të nevojiten më shumë se nëntë milion dollarë për të zgjidhur problemet e paraqitura në raport nga i njëjti vit.
Në atë raport, inxhinierët gjetën dëme të konsiderueshme strukturore rreth pishinës në ndërtesë dhe përkeqësimin e çimentos në garazhin nëntokësor. Mediat amerikane raportojnë se një muaj pas botimit të raportit, zyrtari i qytetit siguroi qiramarrësit se ndërtesa ishte "në gjendje shumë të mirë".
Shqetësimet janë gjithashtu në rritje për një ndërtesë aty pranë, pasi kryetari i bashkisë u bën thirrje banorëve të saj të evakuohen.
© SYRI.net
SHBA, FBI: Krimet e dhunshme bien për të dytin vit radhazi
Qëndruan 374 ditë në stacionin hapësinor, kthehen në tokë 2 austronautët rusë dhe 1 amerikan 
Rusia thotë 'jo' për testimin bërthamor, nëse nuk plotësohen kushtet
Denonco
Merrni lajmet më të fundit nga SYRI.net në çdo moment dhe kudo që të jeni!
