Familjet e zemëruara përballen me një pritje të hidhur për informacione në lidhje me të dashurit e tyre pas shembjes së ndërtesës në Miami të enjten e kaluar.
Nëntë njerëz janë konfirmuar të vdekur dhe 152 njerëz janë ende të zhdukur. Të dielën, një numër i të afërmve u paraqitën, disa bërtisnin emrat e anëtarëve të familjes së tyre të humbur me shpresën për të marrë një përgjigje, raporton BBC.
Të zhdukurit përfshijnë një gjyshe të përkushtuar, një mësuese të dashur dhe motrën e zonjës së parë të Paraguait.
Kërkimi për të mbijetuarit ka qenë i ngadaltë në kompleksin e apartamenteve Champlain Touer, ndërsa ekipet e shpëtimit rendin nëpër rrënoja në nxehtësi dhe lagështirë të lartë. Familjarët u bënë thirrje autoriteteve të bëjnë më shumë gjatë një takimi gjatë fundjavës.
"Nuk mjafton aq sa keni bërë. Imagjinoni nëse fëmijët tuaj do të ishin atje," u tha një nënë zyrtarëve.
Janë publikuar nga mediat amerikane edhe disa foto të personave, që kanë ndërruar jetë në këtë ngjarje të rëndë.
© SYRI.net
SHBA, FBI: Krimet e dhunshme bien për të dytin vit radhazi
Qëndruan 374 ditë në stacionin hapësinor, kthehen në tokë 2 austronautët rusë dhe 1 amerikan 
Rusia thotë 'jo' për testimin bërthamor, nëse nuk plotësohen kushtet
Denonco
Merrni lajmet më të fundit nga SYRI.net në çdo moment dhe kudo që të jeni!
