Sekretari i Shtetit i SHBA Antony Blinken dhe Ministri i Jashtëm izraelit Yair Lapid u takuan të dielën në Romë ndërsa qeveritë e tyre të reja kërkojnë të kthejnë faqen nga ish-presidenti Donald Trump dhe ish-kryeministri Benjamin Netanyahu, aleanca e ngushtë e të cilëve përkeqësoi ndarjet partizane brenda të dy vendeve.
Tani, me Trump të mënjanuar në Florida dhe Netanyahu duke udhëhequr opozitën, Presidenti amerikan Joe Biden dhe Kryeministri izraelit Naftali Bennett janë përqendruar në diplomacinë pragmatike më shumë sesa tek iniciativat dramatike që rrezikojnë ndezjen e opozitës në vend ose shpërqendrimin nga përparësitë e tjera.
"Në vitet e fundit, u bënë gabime," i thakryediplomati iraelit Lapid, Sekretarit amerikan Blinken ndërsa ishin ulur për bisedime në një hotel në Romë. "Qëndrimi bipartizan i Izraelit ishte dëmtuar. Ne do t'i rregullojmë ato gabime së bashku".
Lapid tha se ai kishte folur me demokratët dhe republikanët që nga marrja e detyrës dhe i kishte "kujtuar të gjithë se ne ndajmë vlerat themelore, më themelore të Amerikës - lirinë, demokracinë, tregjet e lira dhe kërkimin e vazhdueshëm të paqes".
Blinken vuri në dukje se edhe pse të dy qeveritë janë të reja, "themeli për të cilin ne po vazhdojmë të punojmë është mbi një partneritet të qëndrueshëm, një marrëdhënie, miqësi midis Shteteve të Bashkuara dhe Izraelit".
© SYRI.net
SHBA, FBI: Krimet e dhunshme bien për të dytin vit radhazi
Qëndruan 374 ditë në stacionin hapësinor, kthehen në tokë 2 austronautët rusë dhe 1 amerikan 
Rusia thotë 'jo' për testimin bërthamor, nëse nuk plotësohen kushtet
Denonco
Merrni lajmet më të fundit nga SYRI.net në çdo moment dhe kudo që të jeni!
