Pesë njerëz kanë mbetur të vdekur pasi një uragan i rrallë i shoqëruar me breshër të madhësisë së një topi të tenisit ka goditur disa fshatra në Moravia, në juglindje të Republikës Çeke.
Sipas zyrtarëve, së paku 83 persona janë plagosur dhe 45 prej tyre janë pranuar në gjendje të rëndë në një spital të qytetit Hodonin.
Zona e prekur më keq është fshati i quajtur Luzice, ku 100 deri në 120 shtëpi janë shkatërruar ose dëmtuar, sipas kryetarit të kësaj komune, Tomas Klasek, raporton CNN, shkuran Klankosova.tv.
Gjendja u përshkrua si alarmante me kulmet e shtëpive dhe ndërtesave të rrënuar, dritare të thyera, makina të përmbytura dhe mbeturina të shpërndara gjithandej nëpër rrugë.
Rreth 100 zjarrfikës, përfshirë ekuipazhe shtesë nga Austria dhe Sllovakia, po ndihmojnë për rimëkëmbje në bashkëpunim me ekipet urbane të kërkimit dhe shpëtimit, sipas ministrit të Brendshëm të këtij shteti, Jan Hamacek.
© SYRI.net
SHBA, FBI: Krimet e dhunshme bien për të dytin vit radhazi
Qëndruan 374 ditë në stacionin hapësinor, kthehen në tokë 2 austronautët rusë dhe 1 amerikan 
Rusia thotë 'jo' për testimin bërthamor, nëse nuk plotësohen kushtet
Denonco
Merrni lajmet më të fundit nga SYRI.net në çdo moment dhe kudo që të jeni!
