Policia, gaz lotsjellës mbi indigjenët që protestojnë për të drejtat e tokës në Brazil

11:03, 23/06/2021

Brasilia  - Policia e trazirave përdori gaz lotësjellës dhe plumba gome për të shpërndarë një grup indigjenës, banorësh  autoktonë që protestuan të martën jashtë Kongresit të Brazilit kundër një ligji që ligjvënësit ishin gati për ta debatuar, i cili do të minonte njohjen e tokave të rezervatit, të mbrojtura.

Protestuesit, mes tyre fëmijë dhe njerëz të moshuar, vrapuan për t'u mbuluar, shumë prej tyre duke kollitur në rrugën e mbytur nga gazi.

Projekt-ligji, i njohur si PL 490 dhe i mbështetur nga grupi i fuqishëm i Brazilit në Kongres, ka për qëllim pakësimin e të drejtave autoktone për tokën që ishte ende e pabanuar që nga viti  1988. Ai gjithashtu kërkon të hapë toka të mbrojtura autoktone për bujqësinë dhe minierat tregtare.

Udhëheqësit e afërsisht 850,000 banorëve indigjenë të Brazilit thonë se projekt-ligji është antikushtetues dhe zbaton shumë pak të drejtat e tokës të garantuara në Kushtetutën e vitit 1988 të vendit.

Një seancë e komitetit të çështjeve kushtetuese të dhomës së ulët u pezullua për shkak të incidenteve jashtë Kongresit.

Kryetari i komitetit, Bia Kicis, një mbështetës i Presidentit të ekstremit të djathtë Jair Bolsonaro, tha në Tëitter se "indianët e lidhur me të majtën sulmuan dhomën" dhe plagosën tre policë me shigjeta. Një polic kishte nevojë për kujdes mjekësor, njoftoi agjencia e lajmeve e dhomës.

Të drejtat e tokës së vendasve po debatohen gjithashtu nga Gjykata e Lartë, e cila ka për detyrë të mbrojë garancitë kushtetuese.

Ndër dispozitat për të cilat projektligji në Kongres do të hapte derën janë ndërtimi i digave hidroelektrike dhe i rrugëve në rezervate si dhe vendosja e bazave atje nga ushtria e Brazilit.

"Ky projekt-ligj është një prapambetje historike dhe ka marrë vrull nga Bolsonaro i cili inkurajon shkatërrimin e të drejtave të popujve të parë të Brazilit", tha Almir Suruí, një shef fisnor dhe kreu i Parlaindio, një forum për çështjet autoktone.

© SYRI.net

Lexo edhe:

• SHBA, FBI: Krimet e dhunshme bien për të dytin vit radhazi
• Qëndruan 374 ditë në stacionin hapësinor, kthehen në tokë 2 austronautët rusë dhe 1 amerikan
• Rusia thotë 'jo' për testimin bërthamor, nëse nuk plotësohen kushtet