Beograd, Serbi - Këngët e tyre kanë të bëjnë me "gratë e lidhura me zinxhirë" në abuzime të dëshmuara në breza apo me nuset adoleshente të detyruara të martohen nga baballarët e tyre. Dhe ata u thonë grave të kërkojnë dashuri, të luftojnë dhe të mbrojnë të drejtën e tyre për të qenë të barabartë me burrat.
Një grup vajzash rome në Serbi po përdor muzikën për të predikuar fuqizimin e grave brenda komunitetit të tyre, duke sfiduar disa tradita të rrënjosura thellë dhe dominimin shekullor të burrave.
I formuar në vitin 2014, "Pretty Loud" simbolikisht kërkon t'u japë një zë më të fortë vajzave rome, të inkurajojë arsimimin dhe t'i largojë ato nga zakoni i përhapur i martesës së hershme. Grupi ka fituar popullaritet dhe vëmendje ndërkombëtare, duke interpretuar vitin e kaluar në Festivalin e Grave të Vitit në Londër.
"Ne duam të ndalojmë martesat e hershme ... ne duam që vetë vajzat, dhe jo prindërit e tyre, të vendosin nëse duan të martohen apo jo," tha Silvia Sinani, një nga anëtarët e grupit. "Ne duam që çdo grua të ketë të drejtën të dëgjohet, të ketë ëndrrat e saj dhe të jetë në gjendje t'i përmbushë ato, të jetë e barabartë."
© SYRI.net
SHBA, FBI: Krimet e dhunshme bien për të dytin vit radhazi
Qëndruan 374 ditë në stacionin hapësinor, kthehen në tokë 2 austronautët rusë dhe 1 amerikan 
Rusia thotë 'jo' për testimin bërthamor, nëse nuk plotësohen kushtet
Denonco
Merrni lajmet më të fundit nga SYRI.net në çdo moment dhe kudo që të jeni!
