Një pretendent që spikat në zgjedhjet presidenciale të Iranit bëri thirrje të martën për marrëdhënie më të mira ekonomike dhe politike me Perëndimin, përpjekja e tij më e fortë kjo për të tërhequr votuesit reformistë vetëm pak ditë para votimit.
Ish- Shefi i Bankës Qendrore iraniane, Abdolnasser Hemmati, midis shtatë kandidatëve të lejuar në votimin e së premtes, nuk ka lidhje zyrtare me asnjë fraksion politik por është duke u pozicionuar si kandidati i mundshëm për votuesit e moderuar dhe me reforma.
"Pse duhet të ketë një pengesë për bashkëjetesë paqësore?" – ngriti pyetjen Hemmati, ndërsa theksoi se një "përmirësim i paqes globale dhe rajonale" varet nga vullneti i mirë amerikan dhe "ndërtimi i besimit" me Republikën Islamike .
Ai përsëriti thirrjet për një kthim në marrëveshjen bërthamore të shkatërruar të Teheranit 2015 me fuqitë botërore, duke thënë se nëse ai do të bëhej President, ringjallja e marrëveshjes dhe lehtësimi i sanksioneve "patjetër do të ishte një nga përparësitë e mia".
Në një intervistë me The Associated Press javën e kaluar, ai tha se do të ishte madje i gatshëm të takohej me Presidentin e SHBA Joe Biden nëse ai fitonte.
© SYRI.net
Erdogan: Netanyahu dhe qeveria e tij po përpiqen me të gjitha mjetet të përhapin luftën në rajon!
OBSH: Gati 30,000 raste të dyshuara të lisë së majmunëve në Afrikë
OKB paralajmëron për katastrofë, Izraelit dhe Hezbollahut u kërkohet të tërhiqen nga sulmet
Denonco
Merrni lajmet më të fundit nga SYRI.net në çdo moment dhe kudo që të jeni!
