Një ngjarje e rëndë ka ndodhur në lumin Big Sioux në Dakota Jugore në SHBA.
Një 10-vjeçar, i quajtur Ricky Lee Sneve u përpoq të shpëtonte motrën e tij të vogël, e cila ra aksidentalisht në ujë. Ai arriti ta shtynte në breg motrën, mirëpo 10-vjeçari vetë u mbyt.
Zyra e Sherifit të Qarkut Lincoln konfirmoi se trupi i tij u gjet disa orë më vonë. Nicole Eufers, nëna e Rickyt shpjegoi për mediat se djali i saj e donte jetën dhe sakrifikonte shumë për të tjerët.
Chad Sneve , babai i 10-vjeçarit u shpreh se i biri i tij ishte bujar dhe dashamirës me njerëzit.
Xhaxhai i vogëlushit ka nisur të mbledhë ndihma, që të ndihmojë familjen pas tragjedisë së pësuar.
© SYRI.net