Në ditën e votimeve në Algjeri, vetëm 30% e votuesve dolën në zgjedhjet parlamentare, të shtunën, sipas komisionit zgjedhor të vendit.
“Pjesëmarrja e votuesve në zgjedhje arriti 30,2%”- deklaroi për televizionin shtetëror Mohamed Chorfi, kryetar i Autoritetit Kombëtar të Pavarur të Zgjedhjeve.
Më shumë se 24 milionë votues kishin të drejtë e votimit në zgjedhjet e së shtunës, të parat që nga largimi i ish-presidentit Abdelaziz Bouteflika, në prill 2019, pas protestave masive kundër sundimit të tij 20 vjeçar.
Të shtunën, presidenti algjerian Abdelmadjid Tebboune, minimizoi rëndësinë e pjesëmarrjes në zgjedhje.
“Ajo që është më e rëndësishme është legjitimiteti që do të rezultojë nga votimi dhe legjitimiteti i deputetëve që do të përfaqësojë autoritetin parlamentar”, tha Tebboune pasi votoi.
Tebboune gjithashtu tha se ai respekton vendimin e atyre që bojkotuan zgjedhjet.
Votimi u zhvillua mes bojkotit të një numri partish, duke përfshirë Frontin e Forcave Socialiste, përpjekjen për kulturë dhe demokraci dhe partinë e majtë të punëtorëve© SYRI.net