Një nënë nga Hjustoni i Teksasit, ka qëlluar aksidentalisht djalin e saj 5 vjeç, ndërsa po tentonte të qëllonte mbi një qen, që kishte humbur dhe sorollatej nëpër lagjen e banuar.
Policët vunë re se djali i vogël ishte qëlluar nga një plumb në bark, pasi kishte bërë rikoshetë. Nëna e vogëlushit, Angelia Mia Vargas, 24 vjeçe, tani po akuzohet për pakujdesi dhe armëmbajtje pa leje.
Kamerat e sigurisë të vendosura në një shtëpi private kanë kapur momentin rrëqethës.
Në videon katër minutëshe shihet pronari i Brunos duke vrapuar pas qenit dhe duke e thirrur: ‘Bruno eja këtu’. Pak sekonda më pas, dëgjohen tri të shtëna dhe disa persona duke bërtitur.
‘Hetuesit mësuan se e ëma e vogëlushit, kishte shkrepur tre plumba nga revolja me kalibër të vogël, duke tentuar të qëllojë qenin që po vraponte nëpër rrugë’, thuhet ndër tjera në njoftimin e policisë.
Identiteti i vogëlushit nuk është bërë publik, por mediat amerikane raportojnë se pas trajtimit të marrë në spitalin më të afërt, tashmë vogëlushi ndodhet në gjendje të mirë shëndetësore.
© SYRI.net
Garda Revolucionare: Irani arreston 12 persona për bashkëpunim me Izraelin
BE bën thirrje për 'armëpushim të menjëhershëm' ndërmjet Hezbollahut dhe Izraelit
Sulmet izraelite shënjestrojnë kompleksin e shkollës, 7 të vdekur në Gaza
Denonco
Merrni lajmet më të fundit nga SYRI.net në çdo moment dhe kudo që të jeni!
