Ne po shpallim ‘non grata’ ish-zyrtarët publikë bullgarë, Alexander Manolev, Petar Haralampiev, Krasimir Tomov dhe Delyan Slavchev Peevski, si edhe zyrtarin aktual publik bullgar, Ilko Dimitrov Zhelyazkov, për shkak të përfshirjes së tyre në korrupsion të rëndësishëm”, njoftoi sot në një deklaratë në faqen e tij zyrtare Departamenti Amerikan i Shtetit.
“Në kapacitetet zyrtare si zëvendësministër i Ekonomisë, drejtor i Agjencisë Shtetërore për Bullgarët Jashtë Vendit dhe kryesekretar i Agjencisë Shtetërore për Bullgarët Jashtë Vendit, respektivisht, Manolev, Haralampiev dhe Tomov ishin të përfshirë në akte korruptive që minonin shtetin e së drejtës dhe besimin e publikut bullgar në institucionet demokratike të qeverisë së tyre dhe proceset publike, përfshirë përdorimin e ndikimit të tyre politik dhe pushtetin zyrtar për përfitime personale”, tha DASH.
“Në cilësinë e tij si anëtar i parlamentit, Peevski përdori Zhelyazkov, një zyrtar në Byronë Kombëtare për Kontrollin e Pajisjeve Speciale të Mbledhjes së Inteligjencës, si një ndërmjetës dhe bashkëpunëtor për të shitur ndikimin dhe për të paguar ryshfete për të mbrojtur veten nga vëzhgimi publik dhe për të ushtruar ndikim mbi institucionet dhe sektorët kryesorë në shoqërinë bullgare”.
Departamenti i Thesarit ka shpallur “non grata” , gjithashtu, Peevski, Zhelyazkov dhe oligarkun bullgar Vassil Bojkov, së bashku me 64 subjekte në pronësi dhe të kontrolluar nga Bojkov dhe Peevski, për rolet e tyre në korrupsionin publik, në përputhje me Urdhrin Ekzekutiv 13818, i cili ndërton dhe zbaton Aktin Global Magnitsky, përgjegjës për të drejtat e njeriut.
Përveç Manolev, Haralampiev, Tomov, Zhelyazkov dhe Peevski, DASH shpalli «non grata» edhe anëtarët e familjeve të tyre.
“Veprimet e sotme riafirmojnë angazhimin tonë për mbështetjen e shtetit të së drejtës dhe forcimin e institucioneve demokratike në Bullgari”.
“SHBA mbështet të gjithë bullgarët, puna e të cilëve çon reformat përpara dhe Departamenti do të vazhdojë të përdorë autoritetet e tij për të promovuar përgjegjësinë për aktorët e korruptuar në rajon dhe globalisht”.
© SYRI.net
Garda Revolucionare: Irani arreston 12 persona për bashkëpunim me Izraelin
BE bën thirrje për 'armëpushim të menjëhershëm' ndërmjet Hezbollahut dhe Izraelit
Sulmet izraelite shënjestrojnë kompleksin e shkollës, 7 të vdekur në Gaza
Denonco
Merrni lajmet më të fundit nga SYRI.net në çdo moment dhe kudo që të jeni!
