Uashington - Presidenti amerikan Joe Biden do të marrë pjesë në një përkujtim të një prej momenteve më të errëta - dhe kryesisht të harruara të kombit - të dhunës racore, duke përkujtuar 100-vjetorin e një masakre në Tulsa të Oklahomës, që zhduku një komunitet të tërë të zi.
Vizita e Biden të martën, në të cilën ai do të nderojë më shumë se 300 zezakë të vrarë në duart e një turme të bardhë një shekull më parë, vjen në mes të një proteste kombëtare për drejtësinë racore. Dhe kjo do të jetë në kontrast të plotë me vizitën e fundit presidenciale në Tulsa, vitin e kaluar.
Biden do të jetë presidenti i parë që do të jetë pjesë e përkujtimeve të asaj që ndodhi në atë që dikur njihej si "Black Wall Street". Më 31 maj dhe 1 qershor të vitit 1921, banorët e bardhë dhe udhëheqësit e shoqërisë civile plaçkitën dhe dogjën në Greenwood dhe përdorën avionë për të hedhur predha mbi të.
Sulmuesit vranë deri në 300 tulsanë me ngjyrë dhe i detyruan të mbijetuarit të hynin për një kohë në kampe internimi të mbikëqyrura nga anëtarët e Gardës Kombëtare.
Lufta e vazhdueshme për drejtësinë racore do të vazhdojë të vere ne provë Biden, presidenca e të cilit nuk do të ishte e mundur pa mbështetjen dërrmuese nga votuesit me ngjyrë, si në zgjedhjet paraprake demokratike ashtu edhe në zgjedhjet e përgjithshme.
© SYRI.net
Garda Revolucionare: Irani arreston 12 persona për bashkëpunim me Izraelin
BE bën thirrje për 'armëpushim të menjëhershëm' ndërmjet Hezbollahut dhe Izraelit
Sulmet izraelite shënjestrojnë kompleksin e shkollës, 7 të vdekur në Gaza
Denonco
Merrni lajmet më të fundit nga SYRI.net në çdo moment dhe kudo që të jeni!
