Një ndjekje ka vazhduar edhe të dielën në zonën jug-perëndimore franceze të Dordogne pasi një ish-ushtar i armatosur qëlloi ndaj xhandarëve që iu përgjigjën një thirrjeje për një incident në familje dhe më pas ky burrë u arratis nëpër një zonë të pyllëzuar.
Incidenti ndodhi në fshatin Lardin-Saint-Lazare, rreth 30 km nga Sarlat, gjatë natës midis të shtunës dhe të dielës.
Tani janë rreth 250 xhandarë si dhe njësi taktike elitare dhe një ekip qensh nga Parisi dhe Tuluza. Dy negociatorë janë gjithashtu , tha xhandarmëria. Katër helikopterë po fluturojnë mbi këtë zonë.
Xhandarmëria u thirr rreth mesnatës pasi i dyshuari vizitoi shtëpinë e ish-të dashurës së tij, ku "ai abuzoi shoqen e saj të re".
Njeriu më pas thuhet se hapi zjarr ndaj automjeteve të xhandarëve dhe u arratis në një zonë të pyllëzuar aty pranë.
Sipas një burimi pranë hetimit, i dyshuari është një ish-ushtar i cili ishte në ushtri nga 2011 në 2016.
Ndërkohë Francine Bourra, kryebashkiaku i Lardin-Saint-Lazare, ka thënë se i dyshuari është "rreth 30 vjeç" dhe se ai "kishte qënë i burgosur për dhunë në familje". Ai mbante një byzylyk elektronik në kyçin e këmbës.
Prefekti i Dordogne, Frédéric Périssat shtoi se burri ishte vendosur në një zonë të pyllëzuar "të vështirë për t'u arritur". Ai shtoi: "Kontakti është vendosur në disa raste në një mënyrë sporadike, por kjo është pasuar me të shtëna nga individi."
Xhandarmëria gjithashtu tha se ish-e dashura e burrit dhe fëmijët e saj janë të padëmtuar dhe nën mbrojtjen e Xhandarmërisë.
© SYRI.net
Garda Revolucionare: Irani arreston 12 persona për bashkëpunim me Izraelin
BE bën thirrje për 'armëpushim të menjëhershëm' ndërmjet Hezbollahut dhe Izraelit
Sulmet izraelite shënjestrojnë kompleksin e shkollës, 7 të vdekur në Gaza
Denonco
Merrni lajmet më të fundit nga SYRI.net në çdo moment dhe kudo që të jeni!
