Armatosjes së Serbisë me avionë e tanke ruse dhe dronë kinezë, Kroacia po i kundërpërgjigjet me nënshkrimin e një marrëveshjeje me Qeverinë franceze, që do të shtojë në inventarin e ushtrisë kroate 12 avionë luftarakë Rafale F3R.
Lajmi njoftohet nga mediat kroate, Jutarnji List, sipas të cilës vendimi duhet të merret nga qeveria në 28 maj në Ditën e Forcave të Armatosura, të cilat këtë vit festojnë 30 vjetorin e themelimit.
Sipas Jutarnji List, modeli i avionit është një aeroplan luftarak me dy motorë dhe avioni më i vjetri që do të dorëzohet në Kroaci do të jetë 10 vjeçar. Sipas informacionit të disponueshëm, e gjithë paketa, e cila përfshin aeroplanë, stërvitje dhe armë do të kushtonte rreth 1 miliard euro.
Kryeministri Andrej Plenkoviç tashmë tha se “ky është informacion i klasifikuar. Unë nuk do të komentoj spekulimet nga një media”.
Nga ana e tij, Presidenti kroat Zoran Milanoviç tha: “Asnjë koment. Unë dua që qeveria të marrë një vendim sa më shpejt të jetë e mundur. Procesi deri më tani ka qenë i mirë, nuk ka pasur rrjedhje informacioni. Është rreptësisht konfidenciale. Ne do të shohim se çfarë do të marrim dhe me çfarë çmimi”.
Ligjvënësit kroatë mbështetën të enjten planin e qeverisë për të blerë aeroplanë luftarakë por ishin të ndarë për kohën, me disa që kritikuan planin për të qenë më vonë, ndërsa të tjerët argumentuan se përparësia duhet t'i jepej rimëkëmbjes post-pandemike dhe rindërtimit pas tërmetit.
Kur u pyet nëse qeveria u vendos që të zgjedhë mes Shteteve të Bashkuara dhe Francës, ministri kroat i Mbrojtjes Mario Banoshiç nuk dha një përgjigje të drejtëpërdrejtë duke thënë se kjo do të vendoset. I pyetur nëse ofertuesit, që përfshijnë gjithashtu Izraelin dhe Suedinë i bënë presion ministrit të Mbrojtjes, ai tha se ai "kurrë nuk ndjeu ndonjë presion mbi ndonjë nga çështjet, përfshirë blerjen e avionëve luftarakë".
Partia radikale e djathtë Lëvizja Atdheut lëshoi një njoftim duke deklaruar se oferta e SHBA-së duhej të ishte pranuar, duke thënë se një blerje e avionëve të tillë konfirmon kryesisht aleancën strategjike ushtarake dhe politike midis dy vendeve. Sipas të djathtëve, Franca nuk ishte një aleate gjatë luftës me Serbinë dhe politikanët aktualisht në pushtet nuk janë as patriotë.
© SYRI.net
Garda Revolucionare: Irani arreston 12 persona për bashkëpunim me Izraelin
BE bën thirrje për 'armëpushim të menjëhershëm' ndërmjet Hezbollahut dhe Izraelit
Sulmet izraelite shënjestrojnë kompleksin e shkollës, 7 të vdekur në Gaza
Denonco
Merrni lajmet më të fundit nga SYRI.net në çdo moment dhe kudo që të jeni!
