Një punëtor ka qëlluar për vdekje tetë persona në një qendër të trenave në Kaliforni para se armën ta kthente edhe në drejtim të vetes.
Sulmi ndodhi në Autoritetin e Transportit Santa Clara Valley në San Jose, shkruan BBC, tansmeton Fax News.
Sulmuesi qëlloi me armë në orën 6 e 45 minuta të mëngjesit të së mërkurës sipas kohës lokale. Sipas një televizioni lokal, sulmi nisi gjatë një takimi të punëtorëve.
Zyrtarët e sundimit të ligjit i thanë televizionit CBS se sulmuesi quhet Samuel Cassidy dhe është 57 vjeç.
Bashkëshortja e tij, Cecilia Nelms, i tha agjencisë Associated press se ai i kishte thënë se dëshiron t’i vrasë kolegët e punës, por kurrë nuk kishte besuar se vërtet do ta bënte këtë vepër.
Pak çaste para sulmit, një zjarr shpërtheu në shtëpinë që i përkiste sulmuesit. Autoritetet thanë se po zhvillojnë hetime për të zbuluar nëse sulmuesi ia ka vënë flakën shtëpisë së vet para se ta niste sulmin.
Presidenti amerikan, Joe Biden, e cilësoi sulmin si një tragjedi të tmerrshme dhe urdhëroi që flamujt të ulen në gjysmështizë. Ai i bëri thirrje përsëri Kongresit që të marrë masa për ashpërsimin e legjislacionit për kontrollimin e armëve që janë në duart e popullsisë civile.
© SYRI.net
Garda Revolucionare: Irani arreston 12 persona për bashkëpunim me Izraelin
BE bën thirrje për 'armëpushim të menjëhershëm' ndërmjet Hezbollahut dhe Izraelit
Sulmet izraelite shënjestrojnë kompleksin e shkollës, 7 të vdekur në Gaza
Denonco
Merrni lajmet më të fundit nga SYRI.net në çdo moment dhe kudo që të jeni!
