Bjellorusia e ka justifikuar devijimin e avionit në të cilin po udhëtonte gazetari Roman Protasevich me një kërcënim për bombë nga grupi militant i Hamasit. Por, ky i fundit e ka mohuar që të ketë gisht në ngjarjen që ka shkaktuar jo pak reagime në Perëndim.
Një zëdhënës i Hamasit, Fawzi Barhoum është shprehur se grupi nuk ka asnjë lidhje me ngjarjen.
“Ne nuk përdorim këto metoda, të cilat mund të jenë veprimi i disa partive të dyshimta që synojnë të demonizojnë Hamasin dhe të prishin gjendjen e simpatisë botërore me popullin tonë palestinez dhe rezistencën e tyre legjitime“, citohet të ketë thënë zëdhënësi.
Justifikimi i Bjellorusisë u prit me skepticizëm. Kancelarja gjermane Angela Merkel i quajti shpjegimet e Bjellorusisë “plotësisht të papranueshme”.
Kujtojmë se javën e kaluar Hamasi dhe Izraeli ranë dakord për një armëpushim pas 11 ditësh sulmesh dhe kundërsulmesh.
© SYRI.net
Sulmet izraelite shënjestrojnë kompleksin e shkollës, 7 të vdekur në Gaza
Pallati Mbretëror ende kundër Meghan Markle: Skandali i fshirjes së fotove
Shkundet Argjentina, godet tërmeti me magnitudë 6
Denonco
Merrni lajmet më të fundit nga SYRI.net në çdo moment dhe kudo që të jeni!
