Bjellorusia ka deklaruar të hënën se fluturimi LH1487 u devijua pas një mesazhi kërcënimi nga grupi militant i Hamas-it. Sipas tyre, Hamasi kërcënoi që do të hidhte në erë avionin mbi hapësirën ajrore të Bjellorusisë nëse Bashkimi Evropian nuk dënon Izraelin për konfliktin në Rripin e Gazës.
Drejtori i Ministrisë së Transportit Bjellorusi Artem Sikorski tha se në mësazh shkruhej: “Ne, ushtarët e Hamasit, kërkojmë që Izraeli të ndalojë zjarrin në sektorin e Gazës.
“Ne kërkojmë që Bashkimi Evropian të ndërpresë mbështetjen e tij për Izraelin (…) nëse kërkesat tona nuk plotësohen, një bombë do të shpërthejë (në bordin e avionit Ryanair) mbi Vilnius.”
Deklaratat e Sikorski-t vijnë ndërsa Bjellorusia po përballet me kritika globale pasi detyroi një fluturim nga Athina për në Lituani në të cilin udhëtonte gazetari opozitar Roman Protasevich. Ky i fundit, u arrestua pas uljes së avionit. Bashkimi Evropian, SHBA dhe Mbretëria e Bashkuar e kanë dënuar devijimin e fluturimit dhe arrestimin e Protasevich
© SYRI.net
Pallati Mbretëror ende kundër Meghan Markle: Skandali i fshirjes së fotove
Shkundet Argjentina, godet tërmeti me magnitudë 6
Po sikur Trump-i të fitojë?
Denonco
Merrni lajmet më të fundit nga SYRI.net në çdo moment dhe kudo që të jeni!
