Qendra Amerikane për Kontrollin dhe Parandalimin e Sëmundjeve (CDC), u ka kërkuar njerëzve që të përmbahen nga puthja e pulave të gjalla, pas një frike nga shpërthimi i sëmundjes të cilën e shkakton salmonela, një bakterie e cila zakonisht gjendet në mishin e pagatuar të pulës.
Kjo qendër në bashkëpunim me zyrtarët e shëndetit publik po hetojnë shpërthimet e salmonelës, pasi 163 njerëz u raportuan të sëmurë në 43 shtete.
Infeksionet sipas kësaj qendre, janë të lidhura përmes kontaktit me pulat e oborrit të shtëpisë.
“Mos i puthni ose shtrëngoni zogjtë, pasi kjo mund të përhapë mikrobe në gojën tuaj dhe t’iu të sëmurë”, ka thënë agjencia shëndetësore, duke paralajmëruar që pulat dhe rosat, mund të mbajnë mikrobe të salmonelës, edhe në qoftë se ato duken të shëndetshme dhe të pastra, dhe këto mikrobe mund të përhapen lehtësisht në zonat ku ato jetojnë dhe enden.
Rreth 34 persona janë dërguar në spital që nga mesi i shkurtit, por nuk është raportuar asnjë vdekje, ndërsa një e treta e njerëzve të raportuar të sëmurë me shpërthimet e fundit, kanë qenë nën moshën pesë vjeçe, ka shtuar kjo agjenci.
Infeksioni nga këto mikrobe, mund të shkaktojë ethe, diarre, dhimbje stomaku dhe të vjella. Shumica e njerëzve shërohen pa trajtim, por në rastet më të rënda mund të shkaktojnë vdekjen.
Këshillat e CDC, gjithashtu përfshijnë larjen e duarve pasi të bien në kontakt me shpezët dhe parandalimin e fëmijëve nga prekja e zogjve.
Nga ana tjetër, vlerësohet se bakteret e salmonelës, të cilat mund të gjenden në mish të papërpunuar ose të pa gatuar, vezë ose produkte të tjera ushqimore, shkaktojnë rreth 1.35 milionë infeksione dhe 420 vdekje, çdo vit në SHBA.
Ndërkaq, CDC është agjenci publike e SHBA-së e ngarkua për lëshimin e këshillave shëndetësore, ku e njëjta javën e kaluar për shembull ka ndryshuar udhëzimet për maskat e fytyrës, duke thënë se njerëzit që ishin vaksinuar plotësisht kundër Covid-19, nuk kishin më nevojë për to në shumicën e vendeve.
© SYRI.net
Pallati Mbretëror ende kundër Meghan Markle: Skandali i fshirjes së fotove
Shkundet Argjentina, godet tërmeti me magnitudë 6
Po sikur Trump-i të fitojë?
Denonco
Merrni lajmet më të fundit nga SYRI.net në çdo moment dhe kudo që të jeni!
