Berlin - Ministrja gjermane për Çështjet e Familjes Franciska Gifaj ofroi dorëheqjen e saj sot në mënyrë që t'i japë fund akuzave për plagjiaturë me të cilën ajo po përballet prej vitesh.
"Ditët e fundit, diskutimi mbi disertacionin tim të doktoratës nga 2010 është rinovuar. Qeveria, partia ime dhe publiku kanë të drejtën për të vërtetën në lidhje me këtë rast, dhe kjo është arsyeja pse unë vendosa të kërkoj nga Kancelarja Angela Merkel të më shkarkojë, "Gifaj tha., Raporton Reuters.
Ministrja, e cila është gjithashtu kandidate e Partisë Social Demokratike (SPD) për postin e kryebashkiakut të Berlinit, ishte akuzuar më parë për plagjiaturë, sepse ajo përfshinte tekstet e të tjerëve në përmbajtjen e disertacionit të saj të doktoratës, të cilën ajo e paraqiti më shumë dhjetë vjet më parë.
Ajo tashmë ka njoftuar se do të ndalojë përdorimin e titullit akademik të doktorit pasi Universiteti i Lirë i Berlinit ka rifilluar rishikimin e tezës së saj të doktoratës nga viti 2010 mbi politikën e Komisionit Evropian.
Gifej, e cila konsiderohet si një nga kandidatët për udhëheqjen e SPD, njoftoi se ajo planifikon t'i përkushtohet plotësisht zgjedhjeve për Senatin e Berlinit më vonë këtë vit.
© SYRI.net
Pallati Mbretëror ende kundër Meghan Markle: Skandali i fshirjes së fotove
Shkundet Argjentina, godet tërmeti me magnitudë 6
Po sikur Trump-i të fitojë?
Denonco
Merrni lajmet më të fundit nga SYRI.net në çdo moment dhe kudo që të jeni!
