Pushtete gjithpërfshirëse për të burgosur spiunët rusë dhe kinezë - do të zbulohen para qytetarëve britanikë nga Mbretëresha sot.
Hapja Shtetërore e Parlamentit shënon ngjarjen e parë publike të Madhërisë së saj që kur Princi Philip vdiq muajin e kaluar.
Reformat e shumëpritura në Ligjin e Sekreteve Zyrtare do të paraqiten në Fjalimin e Mbretëreshës.
Madhëria e saj britanike do të marrë pjesë në Parlament këtë mëngjes për të zbuluar axhendën e Boris Johnson për muajt e ardhshëm.
Faza e parë do të jetë një projekt-ligj kundër kërcënimeve ndaj shtetit.
Ndryshimet do të lejojnë që Mbretëria e Bashkuar të ndjekë penalisht hakerat rusë, koreano-veriorë dhe kinezë; spiunët iranianë që synojnë bazat në Lindjen e Mesme të Mbretërisë së Bashkuar dhe ata që kapen duke spiunuar në ambasadat britanike.
Një projekt-ligj i aftësive do të zbulojë fonde trainimi dhe arsimi për të ndihmuar 50 përqind të të rinjve që nuk shkojnë në universitet.
Natën e kaluar z . Johnson tha: "Këto ligje të reja janë karburanti i raketave që na duhet për të ngritur nivelin e këtij vendi dhe për të siguruar mundësi të barabarta për të gjithë.
"Unë jam duke revolucionarizuar sistemin në mënyrë që të mund të kalojmë nocionin e vjetëruar se ekziston vetëm një rrugë lart shkallës së karrierës.
Masa të tjera përfshijnë një projekt-ligj për t’i vënë firmat e mëdha të teknologjisë, si përgjegjëse për urrejtjen në internet.
© SYRI.net