Presidenti i SHBA-së, Joe Biden, ka thënë se është në gjendje të takohet së shpejti me presidentin e Rusisë, Vladimir Putin.
Nga Shtëpia e Bardhë kanë deklaruar se mosmarrëveshjet e vazhdueshme midis SHBA-së dhe Rusisë nuk do të kishin nevojë të zgjidheshin përpara një samiti.
Biden u tha gazetarëve në Shtëpinë e Bardhë se ai donte të takonte Putinin përkundër qëndrimit të forcave ushtarake të Rusisë pranë Ukrainës.
“Kjo nuk ndikon në dëshirën time për të pasur një takim një-për-një. Ai kishte më shumë trupa të ushtrisë dhe i ka tërhequr ata”, ka thënë ai.
I pyetur në lidhje me takimin me Putinin në qershor, Biden tha: “Unë kam besim se do të jemi në gjendje ta bëjmë atë. Ne nuk kemi ndonjë kohë apo vend specifik. Për këtë po punohet”, shkruan Reuters.
© SYRI.net