Papa Françesku nisi të shtunën lutjen njëmujore, të rruzares, duke u lutur për fundin e pandemisë COVID-19.
Kreu i Vatikanit u shpreh se ka ardhur koha që njerëzit të shohin në ndërgjegjen e tyre “një mënyrë që shumat e mëdha të shpenzuara për të shtuar arsenalet e armatimeve të përdoren për të financuar kërkimet për të parandaluar pandemi të ngjashme në të ardhmen”.
“Mari e Shenjtë, Nëna e Zotit, nëna jonë, ndërmjetësoni për ne me Atin e Shenjtë që ai të mund të na tregojë mëshirë dhe që kjo sprovë e vështirë të mbarojë dhe horizontet e shpresës dhe paqes të kthehen. Bëj që njerëzit kudo në botë të ndërgjegjësohen që shumat marramëndëse që harxhohen për të rritur armatimet të shkojnë për të promovuar studimet e duhura shkencore për të parandaluar katastrofa të ngjashme në të ardhmen”, u shpreh Papa.
Besimtarët katolikë në mbarë globin do të recitojnë lutjet dedikuar Virgjëreshës Mari, gjatë muajit maj teksa leximi i ruzarit do të transmetohet live në internet dhe televizion çdo ditë në orën 18-të, teksa mesha e mbylljes do të mbahet në fund të muajit në Vatikan.
© SYRI.net
E shfrytëzoi për të hedhur bombat atomike në Japoni, përse SHBA po rinovon bazën?
Erdogan: Tregtarët e armëve dhe lobistët e kaosit kanë frikë nga Turqia
Masa të forta sigurie/ Fillon në Mynih ‘Oktoberfest’
Denonco
Merrni lajmet më të fundit nga SYRI.net në çdo moment dhe kudo që të jeni!
