Autoritetet indoneziane kanë konfiskuar 2.5 tonë të substancës narkotike të llojit metamfetaminë pas një vargu bastisjesh që u kryen si pjesë e luftës kundër një zinxhiri ndërkombëtar të trafikimit që shtrihet deri në Afganistan, tha policia e këtij shteti.
Sasia e madhe që u konfiskua, vlera e së cilës besohet të jetë rreth 82 milionë dollarë, u gjet pas bastisjeve në tri vende, përfshirë kryeqytetin Xhakarta dhe në Acen, në ishullin Sumatra, tha komandanti i përgjithshëm i policisë, Listyo Sigit Praboëo.
Policia tha se një person u vra, pasi i rezistoi arrestimit gjatë bastisjeve dhe 18 të tjerë u arrestuan. 17 prej të arrestuarve janë indonezianë dhe një tjetër është nga Nigeria, shkruan Reuters, transmeton Gazeta Express.
Agus Andrianto, shef i hetimeve kriminale në policinë kombëtare, tha se kjo sasi e drogës ka hyrë në ujërat e Indonezisë nga Afganistani muajin e kaluar. Autoritetet thanë se droga u transportua me anije përmes territorit të Malajzisë.
Kjo nuk është hera e parë që autoritetet në Indonezi konfiskojnë sasi të madhe droge. Në vitin 2018, 1.6 ton metamfetaminë u gjetën në një anije afër ishullit të Batamit.
Ndryshe, Indonezia është në mesin e shteteve me ligjet më të ashpra kundër manipulimit me substanca narkotike. Trafikimi i drogës është vepër penale që dënohet me vdekje.
Indonezia u përball me kritika të komunitetit ndërkombëtar në vitin 2015, kur ekzekutoi disa të huaj, përfshirë dy australianë, të cilët ishin udhëheqës të një grupi për trafikimin e heroinës.
© SYRI.net
Olaf Scholz mund të shkarkohet pas zgjedhjeve të së dieles
Tërheq 50,000 eksplorues urbanë në vit, monumenti komunist bullgar që shihet si një atraksion turistik
Rusia me paralajmërime/ Lavrov: Askush nuk dëshiron luftë bërthamore, por armët janë në gatishmëri 
Denonco
Merrni lajmet më të fundit nga SYRI.net në çdo moment dhe kudo që të jeni!
