Gjykata revolucionare e linjës së ashpër të Iranit ka dënuar shtetasen britaniko-iraniane Nazanin Zaghari Ratcliffe me një vit shtesë burg dhe një ndalim të udhëtimit për një vit, duke zgjatur më tej agoninë e familjes së saj pavarësisht se ajo kishte përfunduar një dënim të mëparshëm.
Burri i zonjës Zaghari-Ratcliffe, Richard, tha se 42-vjeçarja u përball me një dënim të dytë dhe një ndalim të udhëtimit pas një akuze për përhapjen e "propagandës kundër sistemit".
Richard tha se afati i ri i burgimit është një sinjal që Irani do ta mbajë atë derisa Britania e Madhe të zgjidhë një mosmarrëveshje të gjatë borxhi me Teheranin - pasi Britania mendohet se i detyrohet kombit deri në 400 milion paund për mosdorëzimin e tankeve në vitin 1979, dërgesë që u ndalua për shkak të revolucionit islamik.
© SYRI.net