Londër - Ministria e Brendshme britanike po fillon procesin e dëbimit të disa azilkërkuesve nga vendet ku janë akomoduar "me efekt të menjëhershëm", pas një pauze prej gati një viti për shkak të pandemisë, sipas dokumenteve të brendshme.
Organizatat bamirëse dhe aktivistët e të drejtave të njeriut e kanë dënuar vendimin si çnjerëzor dhe paralajmëruan se kjo mund të çojë në një rritje të njerëzve që flenë rrugëve dhe dhe si pasojë, një rritje në rastet e koronavirusit.
Është e kuptueshme që Shëndeti Publik Anglez të ketë shprehur shqetësime në lidhje me rritjen e rrezikut të Covid që mund të krijojë të pastrehë.
Mendohet se në muajt e ardhshëm Ministria e Brendshme do të vërë në shënjestër mijëra azilkërkues për dëbim dhe ekstradim.
Tim Naor Hilton, Shefi Ekzekutiv i përkohshëm i Bamirësisë Aksioni për Refugjatët, tha: “Hedhja e njerëzve në rrugë në çdo kohë është e tmerrshme, por në një pandemi është e pamatur dhe çnjerëzore. Sigurimi i një strehimi të sigurt dhe të banueshëm dhe parandalimi i varfërisë është minimumi që qeveria mund të bëjë për njerëzit që vijnë në këtë vend duke kërkuar strehim. "
Janë rreth 60,000 azilkërkues të mbështetur nga Ministria e Brendshme. Shumica janë vendosur në atë që njihet si akomodimi në seksionin 95.
Ministria e Brendshme thotë se do të dëbojë ata, çështjet e të cilëve janë refuzuar.
Azilkërkuesit dhe aktivistët e të drejtave të njeriut kanë frikë se ndërsa Britania e Madhe del nga bllokimi, shumë më tepër që kanë pritur për një vendim do të marrin gjithashtu refuzime dhe do të përballen me dëbim, me mungesë strehimi rrugëve dhe largim nga vendi.
© SYRI.net
Holandë, sulmi me thikë në Roterdam, prokuroria: Mund të ketë motive terroriste
Miti i Mossad/ Pse frikësohen nga shërbimi sekret i Izraelit
Krim në familje, burri vret gruan dhe plagos djalin në Itali
Denonco
Merrni lajmet më të fundit nga SYRI.net në çdo moment dhe kudo që të jeni!
