Një burrë është arrestuar në Spanjë, nën dyshimin për sulm pasi dyshohet se ka infektuar 22 persona me Covid.
40-vjeçari pretendohet të ketë vazhduar të shkojë në punë dhe palestër pavarësisht se kishte kollë dhe një temperaturë prej më shumë se 40C.
Thuhet se ai kishte ecur rreth vendit të tij të punës në Majorka, duke hequr maskën, duke kollitur dhe duke u thënë kolegëve se do t’i infektonte.
Pesë kolegë dhe tre shokë të tjerë të palestrës më vonë dolën pozitivisht. Edhe 14 persona të tjerë, anëtarë të familjes së të infektuarve, gjithashtu rezultuan pozitiv me Covid, duke përfshirë tre fëmijë njëvjeçar.
Në një deklaratë të lëshuar të shtunën, policia spanjolle tha se burri kishte shfaqur simptoma për disa ditë, por refuzoi të shkonte në shtëpi nga puna në qytetin e Manacor.
Ai bëri një provë PCR në mbrëmje, por më pas shkoi në punë dhe palestër ditën tjetër ndërsa ishte në pritje të rezultateve.
Kolegët e tij i thanë të shkonte në shtëpi, por ai nuk pranoi, tha policia. Ai pastaj tërhiqte maskën, kollitej dhe thoshte: “Unë do t’ju infektoj të gjithëve me koronavirus“.
Kur rezultati doli pozitiv, kolegët u “alarmuan”, sipas policisë, e cila ka hetuar pretendimet që nga fundi i janarit. Askush nga njerëzit nuk u sëmur rëndë, tha policia.
© SYRI.net
Holandë, sulmi me thikë në Roterdam, prokuroria: Mund të ketë motive terroriste
Miti i Mossad/ Pse frikësohen nga shërbimi sekret i Izraelit
Krim në familje, burri vret gruan dhe plagos djalin në Itali
Denonco
Merrni lajmet më të fundit nga SYRI.net në çdo moment dhe kudo që të jeni!
