Një juri amerikane e ka shpallur një ish-oficer policie, fajtor për vrasje lidhur mbi vdekjen e afro-amerikanit George Floyd në një rrugë në Minneapolis vitin e kaluar.
Derek Chauvin, 45 vjeç, u filmua me gjurin mbi qafën e z. Floyd për më shumë se nëntë minuta gjatë arrestimit të tij majin e kaluar.
Pamjet e përhapura gjerësisht nxitën protesta në të gjithë botën kundër racizmit dhe përdorimit të tepruar të forcës nga policia.
Polici Chauvin u shpall fajtor për tri akuza: vrasje e shkallës së dytë, vrasje e shkallës së tretë dhe vrasje pa dashje.
Ai do të qëndrojë në paraburgim derisa të dënohet dhe mund të kalojë dekada në burg.
Jurisë 12-anëtarëshe iu desh më pak se një ditë për të dalë me vendimin e saj, i cili pasoi një gjykim shumë të ngarkuar, tri javor, që e mbajti pezull Minneapolis.
Vendimi nxiti reagimet jashtë gjykatës, ku disa qindra njerëz brohorisnin ndërsa po shpallej.
Avokati i familjes Floyd, Ben Crump, tha se kjo shënoi një "pikë kthese në histori" për SHBA. "Drejtësia e fituar me dhimbje më në fund mbërriti," shkroi ai në Twitter.
© SYRI.net
Holandë, sulmi me thikë në Roterdam, prokuroria: Mund të ketë motive terroriste
Miti i Mossad/ Pse frikësohen nga shërbimi sekret i Izraelit
Krim në familje, burri vret gruan dhe plagos djalin në Itali
Denonco
Merrni lajmet më të fundit nga SYRI.net në çdo moment dhe kudo që të jeni!
