Përballje e armatosur në një kafene në Wisconsin, tre të vdekur dhe dy të plagosur

16:54, 18/04/2021

Tre njerëz u vranë dhe dy u plagosën rëndë në një përplasje të armatosur në një kafene në shtetin federal amerikan të Wisconsit.

I dyshuari për sulmin në tavernë në fshatin Somers në rrethin Kenosha, ende nuk është arrestuar.

Autoritetet besojnë se sulmi është një “incident i izoluar” dhe se qytetarët nuk janë në rrezik, raporton Washingtonpost.

Policia ende po përcakton identitetin e të vdekurve. Incidenti i mbrëmjes së sotme është i fundit në një seri sulmesh të ngjashme në të gjithë Shtetet e Bashkuara, duke përfshirë vrasjen e tetë njerëzve në magazinën e FedEx në Indianapolis.

Në mars, katër njerëz u vranë në një zyrë në Kaliforni, në zonën më të madhe të Atlantës, në Georgia, tetë njerëz u vranë në sallonet e masazhit, ndërsa në shtetin federal të Kolorados, dhjetë njerëz u vranë në një sulm të armatosur në një dyqan. 

 

 

 

 

© SYRI.net

Lexo edhe:

• Holandë, sulmi me thikë në Roterdam, prokuroria: Mund të ketë motive terroriste
• Miti i Mossad/ Pse frikësohen nga shërbimi sekret i Izraelit
• Krim në familje, burri vret gruan dhe plagos djalin në Itali