Skandal/ Ministrat francez akuzohen se frekuentuan restorante sekrete gjatë pandemisë

16:56, 05/04/2021

Një hetim ka filluar në Francë lidhur me pretendimet se ministrat dhe zyrtarë të tjerë kanë ngrënë në restorante të fshehta, gjë që është në kundërshtim me masat kufizuese.

Restorantet në Francë janë mbyllur që nga Tetori për të parandaluar përhapjen e koronavirusit dhe zyra e Prokurorisë së Parisit njoftoi se një hetim u hap të Dielën për shkak të akuzave të mundshme për rrezikimin e shëndetit dhe punën e paligjshme, raporton AP.

Në një video të transmetuar nga rrjeti francez M6, një burrë i panjohur deklaroi se hante në dy ose tre restorante sekrete me një numër të caktuar të ministrave të qeverisë Franceze.

Anëtarët e qeverisë menjëherë mohuan ekzistencën e restoranteve të tilla dhe Ministri i Brendshëm Gerard Dermanjin kërkoi nga policia të hetojë pretendimet.

Zëdhënësi i qeverisë Gabriel Atal i tha televizionit LCI se zyrtarët kanë hetuar raportet e restoranteve sekrete për muaj dhe se rreth 200 njerëz janë identifikuar për t'u dënuar.

"Ministrat në qeveri janë të detyruar të jenë të patëmetë dhe një model për të tjerët," tha Atal.

Prokuroria njoftoi sot se hetimi po vazhdon pavarësisht nga fakti se burri, i cili foli në video, tërhoqi deklaratën e tij.

Restorantet në Francë janë mbyllur që nga Tetori për të parandaluar përhapjen e koronavirusit dhe një bllokim i ri i pjesshëm është në vend në atë vend, pasi njësitë e kujdesit intensiv janë plot me pacientë me virusin Covid.

Stacioni televiziv privat M6 postoi një artikull të regjistruar fshehurazi në Twitter, me tekstin "havjar, shampanjë, menu të shefave të lartë dhe pa detyrimin për të mbajtur maskë".

Pamjet M6 tregojnë një restorant privat pa emër në Paris, ku mysafirëve u thuhej se mund të hiqnin maskat. Vendndodhja është një sekret, blindët ulen dhe hapësira futet përmes një ndërtese banimi.

Kamarieri i thotë gazetarit në hyrje të restorantit se "njerëzit nuk kanë pse të mbajnë maska atje" dhe "kur të hysh këtu, nuk ka më Covid 19".

Sipas raportit televiziv, menuja në restorantet ilegale është nga 160 në 490 euro për person, shkruan BBC.

 

© SYRI.net

Lexo edhe:

• ‘ÇADM’/ Turqia ndërton një nëndetëse për detin Egje, do të përdoret për të shpëtuar anijet
• Shefi i Hezbollahut, Nasrallah: Izraeli ka kaluar të gjitha vijat e kuqe!
• BE: 160 milionë euro për Ukrainën nga pasuritë e bllokuara ruse