Zëvendësministri i Shëndetësisë në Taxhikistan u shkarkua nga detyra pasi ngatërroi Korenë e Jugut me atë të Veriut, por gjithashtu raportohet se i kishte harruar emrat përfaqësuesve të UNICEF-it dhe të Organizatës Botërore të Shëndetësisë.
Momenti i sikletshem ku u gjend zv.ministri që solli dhe shkarkimin e tij ndodhi gjatë një konference në Dushanbe.
Presidenti taxhik, Emomali Rahmon firmosi lirimin nga detyra më 31 mars te Samariddin Alizoda, më pak se dy javë pasi ai i bëri këto gafa që u bënë virale në rrjetet sociale.
Disa burime brenda Ministrisë së Shëndetësisë, i thanë Radios Evropa e Lirë se Alizoda u shkarkua për shkak të performacës së tij në konferencën për media më 18 mars, ku ai njoftoi për planet e autoriteteve për shpërndarjen e vaksinës kundër koronavirusit të AstraZeneca/Oxford.
“Vaksina e AstraZenecas është zhvilluar në Angli dhe po prodhohet në Belgjikë, po ashtu në Indi dhe Kore të Veriut”, kishte deklaruar Alizoda.
Pasi gazetarët e përmirësuan atë, duke i thënë se kjo vaksinë prodhohet në Kore të Jugut, Alizoda u përgjigj:
“Po, e Jugut, Koreja e Jugut”, duke shtuar se:
“Çfarë dallimi ka? Koreja është Kore”.
Shumë nga pjesëmarrësit në këtë konferencë, pas kësaj deklarate, filluan të qeshnin.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
