Një avion i Marinës Mbretërore është përplasur në Kornuoll [Cornwall] gjatë një ushtrimi duke i detyruar dy pilotët që ishin brenda që të lëshoheshin me parashutë.
Banorët e atyshëm thonë se e kanë vërejtur avionin Hawk T1 që po fluturonte shumë poshtë shtëpive të tyre para se të përplasej në një arë në afërsi.
Avioni besohet të jetë përplasur rreth orës 9 e 40 të mëngjesit, shkruan DailyMail.
Ministria e Mbrojtjes ka thënë: “Dy pilotët po kontrollohen nga mjekët pasi u lëshuan nga avioni përmes parashutës… një hetim për rastin do të fillojë.”
Banorët e ndodhur në afërsi thanë se kishin dëgjuar një shpërthim të madh kur dy pilotët u lëshuan nga avioni i shpejtë me dy ulëse.
Një grua tha: “E pashë avionin të fluturonte shumë afër shtëpive tona, edhe më pas kishte një shpërthim dhe dy pilotët po zbrisnin nga qielli.”
“Parashutat u hapën. Avioni më pas u kthye në të majtë dhe u përplas në një arë në afërsi. Shpresoj se askush nuk është lënduar.”
Një grua tjetër kishte thirrur shërbimin e emergjencës 999.
© SYRI.net
Finlanda e mbron vendimin për të blerë armë izraelite, mosnjohjen e shtetit palestinez
Qeveria gjermane do të 'ngrijë' eksportet e armëve për Izraelin
Turqi/ Realizohet me sukses ndarja e binjakeve siameze të ngjitura në kokë
Denonco
Merrni lajmet më të fundit nga SYRI.net në çdo moment dhe kudo që të jeni!
