Samia Suluhu Hassan, e cila deri më tani ishte duke shërbyer si nënpresidente e Tanzanisë, të premten u betua në postin e presidentes së shtetit me rreth 60 milionë banorë që shtrihet në lindje të Afrikës. Ajo u bë presidente pas vdekjes së presidentit John Magufuli, i cili e mohonte Covidin.
Hassan, 61 vjeçe, u betua në detyrë në kryeqytetin tregtar, Dar es Salaam. Ajo e mori postin më të lartë të shtetit pas vdekjes së Magufulit, i cili për më shumë se dy javë mungoi në jetën publike. Ka thashetheme dhe dyshime se ai mund të ketë vdekur pikërisht nga Covid-19, sëmundja të cilën e mohonte.
Në një deklaratë, Presidenca e Tanzanisë tha se presidentja e re do t’i drejtohet kombit pas betimit dhe gjithashtu do të mbajë një takim me kabinetin, shkruan agjensia e lajme Reuters.
Profili i presidentes së re po vlerësohet si kontrast i paraardhësit, politikan populist që njihej me nofkën “buldozeri” për shkak të mungesës së tolerancës ndaj atyre që shfaqnin pakënaqësi.
Hassan do të përballet me detyrën e “shërimit” të vendit të polarizuar nga presidenti i ndjerë dhe me ndërtimin e bazës së saj politike për të qeverisur në mënyrë efektive, thanë analistët.
Ajo gjithashtu do të përballet me vendimin nëse do të pranojë vaksina për Covid-19, sepse Magufuli i kishte refuzuar ato, duke thënë se janë të rrezikshme dhe kishte rekomanduar që njerëzit të bëjnë lutje dhe të thithin avull për t’u shëruar nga sëmundja.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
