Sekretari amerikan i Shtetit Anthony Blinken tha se Kina duhet të përdorë ndikimin e saj dhe të bindë Korenë e Veriut të heqë dorë nga programi i saj bërthamor, i cili është një burim i paqëndrueshmërisë dhe rrezikut.
Blinken foli mbrëmë në Seul, disa orë pasi Koreja e Veriut njoftoi se do të injoronte ofertën amerikane për të vazhduar negociatat për shkak të politikës armiqësore.
Sipas Blinken, Pekini ka një "rol vendimtar" për të bindur Korenë e Veriut të denuklearizojë sepse shumica e tregtisë së jashtme të Koresë së Veriut kalon përmes Kinës.
"Pekini ka një interes, një interes të qartë personal, për të ndihmuar në zbatimin e denuklearizimit (të Koresë së Veriut) sepse është një burim i paqëndrueshmërisë. Është një burim rreziku dhe padyshim një kërcënim për ne dhe partnerët tanë, "tha Blinken në një konferencë për shtyp.
Shefi i diplomacisë amerikane dhe shefi i Pentagonit, Lloyd Austin, ishin në rajon, për bisedime me zyrtarë të qeverive japoneze dhe koreano-jugore.
Blinken ka një takim sot në Alaskë me zyrtarë nga Ministria Kineze e Punëve të Jashtme dhe Austin do të vizitojë Indinë.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
