Deri më sot u mësuam me teste para udhëtimit, karantinë gjatë mbërritjes dhe fluturime “pa covid”. Tani vjen diçka e re në betejën e industrisë së udhëtimeve kundër pandemisë: trenat “pa Covid”. Koncepti po fillon në Itali, vendi i parë europian që u godit rëndë nga Covid-19, i cili, edhe një vit më vonë, është në kthetrat e një vale të tretë të mundshme.
Italia tashmë ka fluturime “pa Covid” – ku pasagjerët testohen para se të hipin dhe pas mbërritjes – nga Roma në Atlanta dhe New York JFK. Por operatori kryesor i trenave të vendit ka njoftuar planet për trena “pa covid” duke përfshirë destinacionet kryesore turistike të Italisë këtë verë.
Gianfranco Battisti, CEO i Ferrovie dello Stato Italiane në pronësi të shtetit, ka thënë se në këto trena, edhe pasagjerët dhe personeli do të testohen për Covid-19 përpara se të hipin. Pasagjerët do të duhet të arrijnë në stacion një orë para nisjes.
“Ne do të sjellim një tren pa Covid në fillim të prillit,” tha Battisti. “Ne kemi zgjedhur rrugën Romë në Milano për fazën fillestare të testimit. Pastaj do ta zbatojmë këtë për destinacionet turistike për verën. “Do të jetë një mundësi unike e cila do t’i lejojë njerëzit të vizitojnë destinacione të tilla si Venecia dhe Firence.”
Kompania po punon me Kryqin e Kuq dhe Mbrojtjen Civile Italiane në testimin. Një zëdhënës për Trenitalia i tha CNN se detaje të mëtejshme nuk mund të konfirmohen aktualisht. Sidoqoftë, pritet që biletat Romë-Milano të dalin në shitje në të ardhmen e afërt, në trenat me shpejtësi të lartë Frecce. (CNN).
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
