Policia zbuloi trupin e Sarah Everard, më datë 10 mars, në një pyll 80 km larg Londrës. Për vrasjen akuzohet Wayne Couzens, një 48-vjeçar pjesë e Policisë Metropolitane të Londrës që nga viti 2018. Kohët e fundit ai shërbente si roje e sigurisë për parlamentin dhe ambasadat e huaja në Londër.
Ai u shfaq në seancën e parë në gjyq me një plagë në kokë, të cilën e kishte mjekuar më parë në spital.
Ditën e sotme gratë dhe vajzat në Londër, bënë homazhe dhe vendosën lule e qirinj në vendin ku Sarah Everard u pa për herë të fundit.
Vrasja e të resë është kthyer në një çështje shumë të rëndësishme për Londinezet.
Në një intervistë për Reuters, ato janë shprehur se ndihen të kërcënuara për shkak se janë femra. Zhdukja e Everard, ndërkohë që ajo po kthehej në shtëpi në mbrëmjen e 3 marsit, ka sjellë revoltën e shumë femrave, të cilat janë të shqetësuara të ecin vetëm në rrugë natën, si dhe për dështimin e policisë apo të shoqërisë për të menaxhuar këtë çështje.
Aktivistët donin që të organizonin një ceremoni formale, por një leje e tillë nuk iu dha nga policia e Londrës për shkak të kufizimeve të coronavirusit. Ndërkohë që tensionet në protestë u rritën, policia arrestoi shumë vetë.
© SYRI.net
Ekspertët e OKB-së dënojnë mbështetjen perëndimore për Izraelin që nga lufta e Gazës
Evropa Qendrore përgatitet për 'apokalips' të mëtejshëm të përmbytjeve, rritet numri i të vdekurve
Qëndrimet e kandidatëve Trump-Harris për Iranin
Denonco
Merrni lajmet më të fundit nga SYRI.net në çdo moment dhe kudo që të jeni!
