Departamenti i Policisë në Londër është nën vëzhgim për trajtimin e pjesëmarrësve në protestën e mbrëmshme në lidhje me vrasjen e një gruaje për të cilën dyshohet një oficer policie.
Qindra njerëz u mblodhën në Londër natën e kaluar, pavarësisht nga fakti që policia nuk dha leje për të protestuar pas vrasjes së Sara Everard (33), e cila u pa për herë të fundit e gjallë pranë parkut në pjesën jugore të Londrës në Mars.
Protestuesit thanë se donin të tërhiqnin vëmendjen ndaj frikës së grave për sigurinë në rrugët britanike, raporton AP .
Everard u zhduk pasi u largua nga banesa e shoqes së saj në mbrëmje dhe ajo u gjet e vdekur një javë më vonë. Një anëtar i policisë së Londrës dyshohet për rrëmbimin dhe vrasjen e saj, gjë që shkaktoi një tronditje në Britaninë e Madhe.
Videot nga protesta e mbrëmshme tregojnë një grindje midis oficerëve të policisë dhe protestuesve dhe arrestimin brutal të disa grave.
Kryetari i Londrës Sadiq Khan dënoi veprimet e policisë.
"Policia është përgjegjëse për zbatimin e masave kundër koronavirusit, por pamjet që pashë tregojnë qartë se përgjigja nuk ishte adekuate dhe proporcionale," tha Kahn në Twitter.
Ministri i Brendshëm Priti Patel kërkoi një raport të hollësishëm nga policia e Londrës mbi ngjarjen në një postim në Twitter.
No Met Police ban nor the official organisers calling it off can stop the anger and solidarity from expressing themselves on the streets. #ReclaimTheNight #ReclaimTheseStreets https://t.co/kjqRLTNO05
— Jorge Martin (@marxistJorge) March 13, 2021
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
