Shtatë studentë kanë vdekur dhe katër të tjerë janë lënduar gjatë një incidenti tragjik në Bolivi, kur rrethojat në katin e katërt të një universiteti u këputën dhe studentët që po e shtynin njëri-tjetrin ranë poshtë.
Në videon e publikuar në internet shihen shumë studentë duke pritur për të hyrë në një sallë dhe duke e shtyrë njëri-tjetrin në ballkonin e brendshëm të ndërtesës së Universitetit Publik të El Alto-s para se rrethojat të këputen.
Tragjedia ndodhi në ndërtesën e Fakultetit të Shkencave Financiare, ku studentët po përpiqeshin që të futen në një sallë për një tubim, shkruan New York Post.
Në pamje shihet një vajzë që e tërheq një tjetër disa sekonda para se rrethojat bashkë me disa studentë të binin nga kati i katërt.
Komandanti i përgjithshëm i policisë në Bolivi, Jhonny Aguilera Montecinos, tha të mërkurën se vajza që shihet në tollovi do të merret në pyetje si pjesë e hetimeve.
Presidenti i Bolivisë, Luis Arce, përmes rrjeteve sociale shprehu keqardhje për tragjedinë me studentët dhe shprehu ngushëllime për familjarët e tyre, duke thënë se autoritetet po e presin sqarimin e fakteve.
© SYRI.net
‘ÇADM’/ Turqia ndërton një nëndetëse për detin Egje, do të përdoret për të shpëtuar anijet 
Shefi i Hezbollahut, Nasrallah: Izraeli ka kaluar të gjitha vijat e kuqe!
BE: 160 milionë euro për Ukrainën nga pasuritë e bllokuara ruse
Denonco
Merrni lajmet më të fundit nga SYRI.net në çdo moment dhe kudo që të jeni!
