Ika nga Britania për t'i shpëtuar medias helmuese, thotë princ Harry

10:34, 26/02/2021

Ika nga Britania për t'i shpëtuar medias helmuese, thotë princ Harry

Londër - Princi britanik Harry ka thënë se ai dha dorëheqjen ga detyrat e tij mbretërore sepse media britanike "toksike" i kishte shkatërruar shëndetin mendor, duke shtuar se nuk ishte larguar nga shërbimi publik.

Javën e kaluar, Pallati Buckingham njoftoi se nipi i Mbretëreshës Elizabeth dhe gruaja e tij amerikane Meghan kishin bërë një ndarje të fundit me familjen mbretërore dhe nuk do të ktheheshin më si anëtarë të oborrit  e do t’i humbnin përfitimet që u vinin.

Harry, 36 vjeç dhe Meghan, 39 vjeçe, shkaktuan dallgë tronditëse për monarkinë në janar të 2020-ës kur njoftuan qëllimin e tyre për të hequr dorë nga detyrat mbretërore dhe për të filluar një jetë të re përtej Atlantikut.

“Ne të gjithë e dimë se si po shkonte shtypi britanik dhe kjo po shkatërronte shëndetin tim mendor, ishte toksik. Kështu që unë bëra atë që do të bënte çdo burrë dhe çdo baba, më duhej ta largoja familjen time nga këtu ".

Para se të shkonte në Kaliforni, çifti ishte ankuar për trajtimin që portalet britanike i bënin bashkëshortes Meghan, babai i së cilës është i bardhë dhe nëna afro-amerikane, për disa prej të cilave ata thanë se ishin ngacmime ose racizëm.

Në fillim të këtij muaji, Meghan paditi dhe pati sukses ndaj një portali për shkelje të privatësisë së saj, pasi publikoi pjesë të  një letre që ajo i shkroi babait të saj ndërsa muajin e kaluar Harry fitoi një çështje për shpifje kundër së njëjtës letër mbi një histori që thoshte se ai i kishte kthyer shpinën ushtrisë.

Mirëpo, kritikët e çiftit që njoftoi këtë muaj se priste fëmijën e dytë, thanë se çifti ishte i etur për publicitet, por vetëm sipas kushteve të çiftit!

© SYRI.net

Lexo edhe:

• Ministrja e jashtme sllovene thirrje OKB-së ta kthejë në veprim dialogun për krizën në Gaza
• Vrau dhe groposi dy foshnjet e saj, arrestohet studentja italiane, detajet e krimit makabër
• Von der Leyen: BE do të mbledhë 35 miliardë euro kredi për Ukrainën duke përdorur asetet e ngrira të Rusisë