Ish kryetari i Kuvendit Komunal të Ulqinit Ilir Çapuni, tregoi se fillimi i bashkëpunimit me PDS-në daton që nga zgjedhjet parlamentare të vitit 2016, kur Forca mbajti postin e kryetarit të Komunës.
Sipas tij që atëherë ka pasur bashkëpunim të mirë me Qeverinë e Malit të Zi të cilën e kanë përkrahur edhe formalisht.
"Vizioni ynë ishte i qartë: ne u përpoqëm për zhvillimin e qytetit dhe konsolidimin e administratës së Komunës dhe shërbimeve të saj. Ne vepruam me sukses megjithë orekset e ndryshme dhe pengesat nga partnerët e atëhershëm të koalicionit tradicional. Para zgjedhjeve lokale të vitit 2018, u premtua se nuk do të kishte zhvillim nëse PDS nuk merr pozitën e kryetarit të Komunës, duke u dërguar asokohe edhe sot një mesazh të caktuar votuesve se shqiptarët nuk janë të aftë të drejtojnë dhe zhvillojnë komunën e tyre", tha Çapuni.
Ish kryetari i Kuvendit të Ulqinit shtoi se ne menduam se ata do të vazhdonin vizionin tonë të zhvillimit dhe hymë në një marrëdhënie zyrtare me PDS-në e cila përfaqësoi edhe partnerët e saj tradicionalë. Ne në trashëgimi lamë projekte të gatshme, aranzhime të kredive dhe një sistem të konsoliduar të punës. Ne ishim të gatshëm për të marrë pjesë në realizimin e planit strategjik të qytetit dhe vizionin e zhvillimit.
Ai tregon se së shpejti filluan sygjerime të paarsyeshme, menaxhim i kotë dhe i paaftë i qytetit në çdo aspekt. Sigurisht, ky dallim i vizioneve dhe karakteristikave personale të përfaqësuesve tanë në Komunë u pa që në fillim. Edhe gjatë debateve në Kuvend, mund të vërehej se kishim një koalicion bipolar i cili kishte PDS me partnerë tradicionalë në njërën anë dhe Forca në anën tjetër. Kjo ndodhte edhe në takimet e koalicionit ku ne ishim të gatshëm për zgjidhjen e problemeve dhe trajtimin e duhur dhe jo thjesht për ngritjen e duarve dhe aminizimin e akteve të paqarta, premtimeve dhe interesave të paqarta që u bënin gjatë takimeve të izoluara të koalicionit tradicional në të cilin ne as nuk ishim të ftuar e as nuk do të merrnim pjesë.
"Parimisht, për shkak të mungesës së vullnetit të kontraktorëve, kontrata përfundon. Një marrëveshje e dytë mbetet në fuqi ama, zyrtare ose jo, midis PDS-së dhe partnerëve tradicionalë të tyre, për vullnetin, arsyet dhe vizionin e të cilës do të vendosin qytetarët në zgjedhje", tha Ilir Çapuni nga Forca e Re Demokratike.
© SYRI.net
Miti i Mossad/ Pse frikësohen nga shërbimi sekret i Izraelit
Krim në familje, burri vret gruan dhe plagos djalin në Itali
Avokati lituanez burgoset për spiunim për Bjellorusinë
Denonco
Merrni lajmet më të fundit nga SYRI.net në çdo moment dhe kudo që të jeni!
