Sytë e Teksasit u kthyen nga kriza e ujit të enjten në mbrëmje pasi energjia elektrike u rikthyer në gati 2 milion shtëpi e qindra mijëra banorë të tjerë mbetën në errësirë. Rreth 13 milionë banorë të Teksasit - ose gati gjysma e afërisht 29 milion banorëve të shtetit - u këshilluan për ta zier ujin e pijshëm, sipas raporteve.
Miliona banorë në të gjithë SHBA mbetën pa energji elektrike ose ngrohje pas stuhisë vdekjeprurëse të dimrit ndërsa ndërmarrjet nxituan të rilidhnin energjinë elektrike përpara një stuhie tjetër bore dhe akulli këtë javë.
Kriza e ujit e shtyu guvernatorin e Teksasit Greg Abbott të kërkojë nga Presidenti Biden të deklarojë një katastrofë të madhe në shtet, njoftoi FOX 4 i Dallas.
"Ne duhet të sigurohemi që të përdorim çdo mjet të mundshëm për të rikthyer ujin tek qytetarët tanë teksanë", tha Abbott, sipas stacionit.
Biden miratoi një deklaratë emergjente për Teksasin së bashku me Oklahoman dhe Luizianës, që do të lëvizin burimet, furnizimet dhe pajisjet në shtetet, njoftoi Ëashington Post.
FEMA (Agjencia Federale e Menaxhimit të Emergjencave) do të dërgojë në këtë shtet 729,000 litra ujë dhe disa nga gjeneratorët e energjisë që planifikon të furnizojë, do të dërgohen në impiantet e trajtimit të ujit, tha raporti.
Herët të premten, ekipet në Hjuston u panë duke përgatitur një furnizim të madh me ujë në shishe për shpërndarje më vonë gjatë ditës në Delmar Stadium.
Shpërndarja ishte planifikuar të fillonte në 11:30 të mëngjesit CT, shkruajti Zyra e Menaxhimit të Emergjencave në Hjuston në një mesazh në Tëitter.
© SYRI.net
Olaf Scholz mund të shkarkohet pas zgjedhjeve të së dieles
Tërheq 50,000 eksplorues urbanë në vit, monumenti komunist bullgar që shihet si një atraksion turistik
Rusia me paralajmërime/ Lavrov: Askush nuk dëshiron luftë bërthamore, por armët janë në gatishmëri 
Denonco
Merrni lajmet më të fundit nga SYRI.net në çdo moment dhe kudo që të jeni!
