Tre persona janë plagosur në selinë e kompanisë Lidl në Gjermani, kur një prej dërgesave shpërtheu.
Policia bllokoi hyrjet në ndërtesën e administratës në Heilbronn dhe të plagosurit u dërguan me urgjencë në spital.
Më shumë se 100 punëtorë u evakuuan nga selia, dhe sipas mediave gjermane, dyshohet se një letër-bombë shpërtheu.
Siç raportoi portali lokal Stim.de, shërbimet e urgjencës reaguan menjëherë, përfshirë helikopterin.
Policia nuk dha komente nëse incidenti kishte të bënte me shpërthimin që ndodhi dje, 40 kilometra larg, në departamentin për pranimin e mallrave të kësaj kompanie, në Eppelheim.
Lidl është zinxhir supermarketesh, i shtrirë në gjithë Evropën dhe SHBA. Operon me mbi 12.000 dyqane.
Am Hauptsitz des Discounters Lidl in Baden-Württemberg hat es offenbar eine Explosion gegeben. Nach SPIEGEL-Informationen wurden drei Personen verletzt. https://t.co/HMc6PGfax3 pic.twitter.com/gANSVz8gAR
— DER SPIEGEL (@derspiegel) February 17, 2021
© SYRI.net