Një ngjarje e pazakontë ka ndodhur në një spital në Kolumbi, ku një lopë u fut në dhomën e pritjes dhe sulmoi pacientët.
Pamjet e kapura nga kamerat e sigurisë tregojnë lopën që shkakton panik midis pacientëve në Spitalin San Rafael, shkruan gazeta lokale “Vanguardia”.
Në video shihet se si një pjesë e pacientëve vrapojnë të frikësuar, ndërsa një grua që nuk arriti të largohej, sulmohet nga lopa.
Gazeta “Vanguardia” tha se askush nuk u lëndua rëndë gjatë incidentit dhe shtoi se pronari i lopës shkoi në spital për të kërkuar falje për incidentin dhe pyeti për shëndetin e gruas si dhe për dëmin material.
© SYRI.net